रियल बेटिसलाई ३-२ ले पराजित गर्दै रियल मड्रिडले सिजनको पहिलो जित हात पारेको छ।
शनिबार राति ५ गोल भएको खेलमा रियलका लागि फेडरिको भाल्भेर्डे र सर्जियो रोमोसले एक एक गोल गरे भने एक गोल रियलले आत्मघाती उपहार पाएको थियो। बेटिसका आइसा मान्डी र विलियम कार्भाल्होले गोल गरे।
१४औं मिनेटमा मड्रिडले फेडरिको भाल्भेर्डेको गोलबाट अग्रता लिएको थियो। ३५औं मिनेटमा आइसा मान्डीले हेडरमार्फत गोल गर्दै खेल १-१ को बराबरीमा ल्याए।
लगत्तै विलियम कार्भाल्होको गोलबाट बेटिसले २–१ को अग्रता बनायो। ४८औं मिनेटमा इमर्सनले आत्मघाती गोल गरेपछि खेलमा २-२ को बराबरी भएको थियो।
८०औं मिनेटमा मार्क बार्टाले बोर्जा मायोरलमाथि फल गरेपछि पाएको पेनाल्टीमा गोल गर्दै रामोसले मड्रिडलाई ३-२ को जित दिलाए।
रियलको यो दोस्रो खेल हो। पहिलो खेलमा रियल रियल भल्लाडोलिडसँग गोलरहित बराबरीमा रोकिएको थियो।
प्रतिक्रिया