युनिकोड
कोरोना भाइरसको महामारीको कारण आईपीएल यूएईमा हुन लागेको हो। लिगको उद्घाटन खेलमा गत संस्करणको विजेता मुम्बई इन्डियन्स र उपविजेता चेन्नई सुपर किंग्स भिड्नेछन्।
खेल नेपाली समय अनुसार बेलुका ७ः४५ पछि शेख जायद स्टेडियम आबुधाबीमा हुनेछ। चेन्नई महेन्द्रसिंह धोनी र मुम्बई रोहित शर्माको कप्तानीमा मैदान उत्रने छ।
मुम्बईले गत संस्करण चेन्नईलाई एक रनले पराजित गर्दै चौथो पटक आईपीएलको उपाधि उचालेको थियो।
चेन्नईले तीन पटक यस उपाधि जितेको छ भने पाँच पटक फाइनलमा पराजित भएको छ। तीन पटक फाइनलमा मुम्बईले चेन्नईलाई हराउँदै उपाधि जितेको थियो।
चेन्नईले सन् २०१०, २०११ र २०१८ मा उपाधि उचालेको छ। मुम्बईले सन् २०१३, २०१५, २०१७ र २०१९ मा उपाधि जितेको थियो। मुम्बईले रोहित र चेन्नईले धोनीको कप्तानीमा सबै उपाधि जितेका हुन्।
प्रतिक्रिया