युनिकोड
नेपाल र युएईबीचको पहिलो टी–२० आई खेल वर्षाका कारण प्रभावित भएको छ। १८.५ ओभरको खेल जारी रहँदा पानी परेपछि खेल रोकिएको हो।
खेल रोकिँदा नेपालले १८.५ ओभरमा ८ विकेट गुमाएर १ सय २२ रन जोडेको छ।
क्रिजमा कप्तान दीपेन्द्र सिंह ऐरी ३२ र सन्दीप लामिछानेले २ रनमा अविजित छन्। खेल रोकिनुअघि ओपनर कुशल भुर्तेल ९ बलमा १ चौका र १ छक्का सहयोगमा १६ रन बनाउँदा रन आउट भए।
अर्का ओपनर अर्जुन साउद १३ रन बनाउँदा जुनैद सिद्दीकीको बलमा बोल्ड आउट हुन पुगे। ६ बलमा १ चौका सहयोगमा ६ रन बनाएका सन्दीप जोरा हैदर अलीको बलमा क्याच आउट भए।
२१ बलमा १ चौका मद्धतमा १७ रन बनाएका कुशल मल्ल जुनैद जुबेरको बलमा एलबीडब्लु धरापमा परे। १४ रन बनाएका बसिर अहमद जुहेब जुबेरको बलमा मोहम्मद वसिमको हातबाट क्याच आउट हुन पुगे। गुल्सन झा १ रन बनाउँदा जुनैद सिद्दीकीको बलमा एलबीडब्लु धरापमा परे।
नन्दन यादवले ७ बलमा २ छक्का सहयोगमा १३ रन बनाउँदा जुहेब सिद्दीकीको बलमा क्याच आउट भए। शेर मल्ल शुन्य रनमा नै पेभेलियन फर्किएका थिए।
प्रतिक्रिया