युनिकोड
इटालियन सिरी ए फुटबल जुन दोस्रो साता पुनः सुरु गर्ने तयारी गरिएको छ। इटाली सरकारले अनुमती दिएमा सिरी ए जुन १३ तारिख सुरु गर्ने तयारी गरिएकाे हो।
भिडियो कन्फ्रेन्समार्फत भएको लिगको साधारण सभाले सरकारी निर्णय र मेडिकल प्रोटोकलका आधारमा लिग पुनः सुरु गर्न सकिने बताएको हो।
सिरी ए हुने सम्भावनाका कारण शीर्ष डिभिजनका क्लब मेको सुरुबाट अभ्यासमा फर्कंदा खेलाडी पनि व्यक्तिगत अभ्यासमा छन्। क्लबको सामूहिक अभ्यास सोमबार सुरु हुनेछ।
कोरोना भाइरसका कारण सिरी ए गत मार्च ९ देखि अनिश्चित समयका लागि स्थगन गरिएको थियो। लिगका १२ चरणका खेल बाँकी रहँदा युभेन्ट्स लगातार नवौंपटक उपाधि रक्षामा देखिएको छ। सिरी एको २६ चरणको खेल सकिँदा युभेन्टस ६३ अंकमा शीर्ष र लाजियो ६२ अंकमा दोस्रो स्थानमा छन्।
गत साता मात्र फ्लोरेन्टिनाका खेलाडी तथा ३ स्टाफलाई कोरोनाको संक्रमण पुष्टि भएको थियो। यस्तै टोरिनोका खेलाडीमा समेत कोरोनाको संक्रमण देखिएको थियो।
प्रतिक्रिया