युनिकोड
काठमाडौँमा जारी आईसीसी महिला टी-२० विश्वकप ग्लोबल छनोटअन्तर्गत समूह चरणको अन्तिम खेलमा आज (सोमबार) नेपालले स्कटल्यान्डविरुद्ध पहिले फिल्डिङ गर्ने भएको छ।
कीर्तिपुरस्थित त्रिवि क्रिकेट मैदानमा नेपाली क्रिकेट टोलीकी कप्तान इन्दु बर्माले टस जितेर फिल्डिङ रोजेपछि स्कटल्यान्डले ब्याटिङ गर्ने भएको हो।
नेपालले आजको खेलमा अघिल्लो टोलीमा रहेकी एक खेलाडी परिवर्तन गरेको छ।
मनीषा उपाध्यायले प्लेइङ ११ मा स्थान बनाउँदा सुमन विष्ट बाहिरिएकी हुन्।
प्लेइङ ११
विन्दु रावल, सम्झना खड्का, रोमा थापा, पूजा महतो, इन्दु बर्मा (कप्तान), रुबिना क्षेत्री, कविता जोशी, कविता कुँवर, सीता रानामगर, रिया शर्मा र मनीषा उपाध्याय
सुपर सिक्समा पुग्न नेपालले आजको खेल फराकिलो जित हासिल गर्नुपर्नेछ। आज स्कटल्यान्डलाई हराएर मात्र नेपाललाई सुपर सिक्समा पुग्न पर्याप्त हुँदैन।
अर्को खेलमा नेदरल्यान्ड्सले थाइल्यान्डलाई पनि फराकिलो अन्तरले हराउनुपर्नेछ। नेदरल्यान्ड्स र थाइल्यान्ड पनि आजै भिड्दै छन्।
आज नेपालले स्कटल्यान्डलाई हराए अंक तालिकामा चार अंक जोड्नेछ।
दुई खेलमा जित र एक खेलमा हार भोगेको स्कटल्यान्ड चार अंकसहित दोस्रो स्थानमा छ।
दुइ खेलमा हार र एक खेलमा जित गरेको नेपालसँग २ अंक मात्र छ भने अंकतालिकाको चौथो स्थानमा छ।
प्रतिक्रिया