एनपीएल ट्रफीसहित दुवै कप्तान त्रिवि मैदानमा (तस्बिरहरू)

सिद्धार्थ बैंक नेपाल प्रिमियर लिग (एनपीएल)को फाइनलमा पुगेका दुवै टोलीका कप्तानले शुक्रबार ट्रफीसहित त्रिवि क्रिकेट मैदानमा तस्बिर खिचाएका छन्। 

एनपीएलको फाइनलको अघिल्लो दिन साँझ सुदूरपश्चिम रोयल्सका कप्तान दीपेन्द्रसिंह ऐरी र लुम्बिनी लायन्सका कप्तान रोहित पौडेल कीर्तिपुरस्थित त्रिवि क्रिकेट मैदानमा पुगेका हुन्। दुवै कप्तानले ट्रफीसँगै त्रिवि मैदानमा फोटो सेसन गराएका छन्। 

पहिलो क्वालिफायरबाट सुदूरपश्चिम र दोस्रो क्वालिफायरबाट लुम्बिनी फाइनलमा पुगेका हुन्। दुवै टोलीले क्वालिफायरमा विराटनगर किंग्सलाई पराजित गरेका थिए। फाइनल खेल शनिबार अपराह्न साढे ३ बजे सुरु हुनेछ।