विश्वकप लिग-२ : अमेरिकाविरुद्ध ब्याटिङमा नेपाल

आईसीसी पुरुष विश्वकप लिग-२ अन्तर्गत आज (शनिबार) नेपालले शीर्ष स्थानमा रहेको अमेरिकासँग प्रतिस्पर्धा गर्दै छ। 

यूएईस्थित दुबईको आईसीसी एकेडेमीमा बिहान ११:१५ सुरु हुने खेलमा अमेरिकाले टस जितेर फिल्डिङ रोजेपछि नेपालले ब्याटिङ गर्ने भएको छ। 

पहिलो खेलमा यूएईसँग ५ विकेटले पराजित नेपाल जारी सिरिजमा पहिलो जित निकाल्न चाहन्छ। 

उता सिरिजको पहिलो खेलमा यूएईलाइ ४ विकेटले हराएको अमेरिका लगातार दोस्रो जितको खोजीमा छ। 

 अंकतालिका:
जारी सिरिजमा लिगमा २२  खेलमध्ये १६ खेलमा जित र ६ खेलमा हार भोगेको अमेरिका ३२ अंकमा तालिकाको शीर्ष स्थानमा छ।
लिगको १८ खेलमा ५ खेलमा जित र ११ हार र २ खेलमा अंक बाँडेको नेपाल १२ अंकमा सातौँ स्थानमा छ। 
समान खेलबाट १४ खेलमा हार र ४ खेलमा जित निकालेको यूएई ८ अंकमा तालिकाको पुछारमा छ।