युनिकोड
एसिया कप २०२५ को लिग खेलमा भारतले ओमानलाई २१ रनले हराएको छ।
१८९ रनको लक्ष्य पछ्याउँदै ओमानले २० ओभरमा १६७ रन बनायो।
यस अवधिमा ओमानले केवल चार विकेट गुमायो। खेलमा भारतले आठ बलर प्रयोग गर्यो।
भारतविरुद्ध ओमानको प्रदर्शनको व्यापक प्रशंसा भएको छ।
खेलपछि इन्स्टाग्राममा पूर्वभारतीय क्रिकेटर इरफान पठानले लेखेका छन्, ‘प्रिय ओमान, क्रिकेट राम्रो खेल्यौ।’
क्रिकेट प्रशंसकहरूले पनि सामाजिक सञ्जालमा ओमानको प्रदर्शनको प्रशंसा गरिरहेका छन्।
टस जितेर पहिले ब्याटिङ गर्ने निर्णय गर्दै भारतीय टोलीले निर्धारित २० ओभरमा आठ विकेट गुमाएर १८८ रन बनाएको थियो।
विकेटकिपर सञ्जु सामसनले अर्धशतक (५६) बनाए। ओपनर अभिषेक शर्माले पनि धमाकेदार इनिङ खेल्दै १५ बलमा ३८ रन बनाए।
यी दुई ब्याट्सम्यानबाहेक अन्य कुनै पनि भारतीय ब्याट्सम्यानले ३० रनको आँकडा पार गर्न सकेनन्।
अर्कातर्फ ओमानका दुई ब्याट्सम्यान- आमिर कलीम (६४) र हम्माद मिर्जा (५१) ले अर्धशतक बनाए।
ओमानले आफ्नो पहिलो विकेट ५६ रनमा गुमायो भने दोस्रो विकेट १४९ रनमा खस्यो।
प्रतिक्रिया