युनिकोड
वात्सल्य एभरेस्ट महिला भलिबल लिगमा मधेस युनाइटेडले पहिलो जित दर्ता गर्दा पोखरा निन्जाजले भने लगातार दोस्रो हार व्यहोरेको छ।
शनिबार पोखरा रगंशालास्थित कभर्डहलमा भएको दिनको अन्तिम खेलमा मधेसले पोखरा निन्जाजलाई ३-० को सोझो सेटमा पाखा लगाएको हो।
मधेसले पोखरामाथि २५-१९, २५-१९ र २५-२३ को सहज जित हात पारेको हो।
दिनको दोस्रो खेलमा कर्णाली यशविसले लुम्बिनी लाभाजलाई ३-१ को सेटमा पाखा हराउँदै लिगमा लगातार दोस्रो जित दर्ता गरेको छ। प्रतिस्पर्धात्मक पहिलो सेट कर्णालीले लुम्बिनीलाई २३-२५ ले सुम्पियो। त्यसपछिका ३ सेटमा कर्णालीले २५-२१, २५-१७ र २५-२२ ले सहजै आफ्नो पक्षमा पार्यो।
शनिबारको पहिलो खेलमा ललितपुर क्विन्सले काठमाडौँ स्पाइकर्सलाई ३-० को सोझो सेटमा हरायो। ललितपुरले काठमाडौँलाई २५-१९, २५-२३ र २५-२१ ले सहजै पाखा लगायो।
आइतबारको दोस्रो खेलमा पोखरा निन्जाजले लुम्बिनी लाभाजविरुद्ध खेल्नेछ। सो खेल अपरान्ह ४ बजे सुरु हुनेछ।
इन्फनिटी ड्रिम्स प्रालिको आयोजनामा हुने एभरेस्ट महिला भलिबल लिगको दोस्रो संस्करणमा साविक विजेता कर्णाली यशविससहित ललितपुर क्विन्स, काठमाडौँ स्पाइकर्स, मधेस युनाइटेड, लुम्बिनी लाभाज र पोखरा निन्जाज गरी ६ फ्रेन्चाइज टोलीले प्रतिस्पर्धा गर्नेछन्।
सिंगल राउण्ड रोविनमा हुने लिगको शीर्ष दुईमा रहने टोलीले फाइनल खेल्नेछन्। उपाधि भिडन्त भदौ २८ गते हुनेछ।
प्रतिक्रिया