युनिकोड
फिफा क्लब विश्वकपको उपाधिका लागि आइतबार राति पेरिस सेन्ट जर्मेन (पीएसजी) र चेल्सी भिड्ने भएका छन्। मेटलाइफ स्टेडियममा हुने खेल मध्यराति पौने १ बजे सुरु हुनेछ।
युरोपियन च्याम्पियन्स लिगको उपाधि विजेता पीएसजी क्लब विश्वबल जित्दै यो सिजनलाई सानदार बनाउने योजनामा छ। पीएसजी सेमिफाइनलमा रियल मड्रिडलाई ४-० गोल अन्तरले पराजित गर्दै उपाधिनजिक पुगेको हो।
पीएसजी पहिलो पटक क्लब विश्वकपको उपाधि जित्दै आफूलाई अब्बल क्लबको रुपमा उभ्याउन चाहान्छ।
उता चेल्सीले सेमिफाइनलमा फ्लुमिनेन्सलाई २-० ले हराउँदै फाइनलमा स्थान बनाएको हो। चेल्सी दोस्रो पटक क्लब विश्वकपको उपाधि जित्न चाहन्छ। चेल्सीले यसअघि सन् २०२२ मा क्लब विश्वकपको उपाधि उचालेको थियो।
क्लब फुटबलमा पीएसजी र चेल्सीबीच ८ खेलमा भेट भएको छ। ती मध्य तिन खेलमा पिएसजीले उपाधि उचालेको छ। ३ खेल बराबरी हुँदा २ खेलको नतिजा चेल्सीले आफ्नो पक्षमा पारेको छ।
प्रतिक्रिया