युनिकोड
साविक विजेता लिभरपुलले इङलिस प्रिमियर लिगको यो सिजन सन् २०२५–२६ को उद्घाटन खेलमा बर्नमाउथसँग भिड्ने भएको छ। बुधबार सार्वजिनक खेल तालिकाअनुसार लिगको पहिलो खेलमा लिभरपुलले घरेलु मैदानमा बर्नमाउथसँग खेल्दै सिजनको सुरुवात गर्नेछ।
दोस्रो दिन ६ खेल हुनेछन्। १६ अगस्टमा एस्टोन भिल्लाले न्युक्यासलसँग खेल्दा ब्राइटन र फुल्हाम भिड्नेछन्। सोही दिन नटिङघम फरेस्टले ब्रेन्टफोर्डसँग खेल्दा सुन्दरल्यान्डले वेस्टह्याम युनाइटेडको सामना गर्नेछ। टोटनहम हट्सपुरले बर्नलीसँग खेल्दा वुल्भसले पहिलो खेलमा नै म्यानचेस्टर सिटीसँग भिड्नेछ।
अगस्ट १७ तारिकमा चेल्सीले क्रिष्टल प्यालेससँग खेल्दा म्यानचेष्टर युनाइटेडले आर्सनलसँग खेल्नेछ। १८ तारिकमा लिड्सले एभर्टनसँग खेल्ने तालिका छ।
प्रिमियर लिग आगामी १६ अगस्टमा सुरु भएर ०२६ को मे २४ मा सम्पन्न हुनेछ।
प्रतिक्रिया