युनिकोड
रश्मीकुमारी घिसिङको ह्याट्रिक गोलमा एपीएफ फुटबल क्लबले एन्फा महिला लिगको अन्तिम चरणमा बागमती युवा क्लबमाथि सहज जित हात पारेको छ।
ललितपुरको सातदोबाटोस्थित एन्फा कम्प्लेक्स मैदानमा शनिबार भएको खेलमा एपीएफले वालिङमाथि ५-१ को सानदार जित दर्ता गरेको हो।
एपीएफको जितमा रश्मीले ह्याट्रिक गर्दा गीता राना र सविता राना मगरले समान एक÷एक गोल गरे। बागमतीका लागि पुष्माकुमारी खड्काले एक गोल फर्काईन्।
एपीएफले लिगमा जितको सुरुवात गर्दा बागमतीले भने लगातार दोस्रो हार व्यहोरेको हो। बागमती लिगको पहिलो खेलमा त्रिभुवन आर्मी फुटबल क्लबसँग २-० ले पराजित भएको थियो।
कोशी प्रदेशले लिगको अन्तिम चरणमा नाम फिर्ता लिएपछि बागमतीले लिग खेल्ने मौका पाएको हो।
लिगको अन्तिम चरणमा एपीएफ फुटबल क्लब, त्रिभुवन आर्मी फुटबल क्लब र नेपाल पुलिस गरि ३ विभागीय टोलीसँगै बागमती र वालिङ नगरपालिका सहभागी छन्।
५ टोली सहभागी लिगको शीर्ष ४ मा रहने टोलीले प्लेअफमा स्थान बनाउनेछन्। पुछारमा रहने टोली बाहिरिनेछ।
प्रतिक्रिया