युनिकोड
१९ वर्षमुनिको महिला एसिया कपमा नेपाल बंगलादेशसँग पराजित भएको छ।
योसँगै नेपाल प्रतियोगितामा सुपर ४ बाट बाहिरिएको छ भने बंगलादेश र भारत फाइनलमा भिड्ने भएका छन्।
शुक्रबार वर्षातका कारण ११ ओभरमा छोट्याइएको खेलमा नेपालले ८ विकेट गुमाएर ५५ रनको लक्ष्य दिएको थियो।
जवाफी ब्याटिङ गरेको बंगलादेश १०औँ ओभरको पाँचौँ बलमा १ विकेट क्षतिमा ५८ रन जोड्दै विजयी भयो।
बंगलादेशका लागि फाहोमिदाले सर्वाधिक २६ रन जोडेर नटआउट रहिन्। कुसुम गोदारको बलमा आउट भएकी मिस्ट एभाले १८ रन र अर्की नटआउट सुमैया अख्तर सुवर्णले १० रन बनाइन्।
नेपालले बंगलादेशलाई ४ अतिरिक्त रन दियो।
त्यसअघि नेपालका लागि साना प्रवीन ४, सावित्री धामी ११, पूजा महतो ९, सोनी पाख्रिन २, ज्योत्स्निका मरासिनी ५, सिमाना केसी ३, एलिशा यादव ८, कुसुम गोदारले ३ रन जोडिन् भने तिर्सना विश्वकर्मा ४ रनमा नटआउट रहिन्। बंगलादेशी बलरले नेपाललाई ५ अतिरिक्त रन दिएपछि ५४ रनको लक्ष्य बनेको थियो।
बंगलादेशका लागि फर्जना एसमिन, अनिसा अख्तर सोबा, फाहोमिदा चोया र हबिबा इस्लामले समान १ विकेट लिए।
प्रतिक्रिया