युनिकोड
नेपाल प्रिमियर लिग (एनपीएल) को फाइनल प्रवेशका लागि कर्णाली याक्सविरुद्ध जनकपुर बोल्ट्सले कमजोर ब्याटिङ गरिरहेको छ।
कर्णालीले दिएको १ सय १९ रनको सामान्य लक्ष्य पछ्याएको जनकपुरले पावर प्लेमा ३ विकेटको क्षतिमा २६ रन बनाएर खेलिरहेको छ।
ओपनर शुभ कंसाकार ६ बलमा ३ रन बनाउँदा विपिन शर्माको बलमा सोमपाल कामीको हातबाट क्याच आउट भए। अर्का ओपनर तथा कप्तान आशिफ शेख ४ रन बनाउँदा सोमपाल कामीको बलमा नन्दन यादवको हातबाट क्याच आउट नै हुन पुगे।
लाहिरु मिलान्था २ रनमा विलियम बसिस्टोको बलमा यादव कै हातबाट आउट हुन पुगे।
त्यसअघि कीर्तिपुरस्थित त्रिवि क्रिकेट मैदानमा जनकपुर बोल्ट्सले टस जितेर फिल्डिङ रोजेपछि ब्याटिङ गरेको कर्णालीले निर्धारित २० ओभरमा ९ विकेटको क्षतिमा १ सय १८ रनको योगफल तयार पारेको थियो।
प्रतिक्रिया