युनिकोड
सोमपाल कामीको घातक बलिङमा नेपाली राष्ट्रिय क्रिकेट टोलीले तीन खेलको टी-२० आई सिरिजको अन्तिम खेलमा घरेलु टोली अमेरिकाबाट जितका लागि १ सय ५७ रनको लक्ष्य पाएको छ।
सोमबार बिहान अमेरिकाको डालासस्थित ग्रान्ड प्रेरी क्रिकेट स्टेडियममा टस जितेर ब्याटिङ गरेको अमेरिकाले निर्धारित २० ओभरमा ५ विकेटको क्षतिमा १ सय ५६ रनको योगफल तयार पारेको हो।
चौथो विकेटका लागि साइतेजा मुक्मल्ला र मिलिन्ड कुमारले ७६ रनको साझेदारी गरेपछि अमेरिकाले नेपाललाई बलियो लक्ष्य दिएको हो।
साइतेजा ६८ रन बनाउँदा सोमपाल कामीको बलमा बोल्ड आउट भए। उनले ५१ बलमा ५ चौका र २ छक्का प्रहार गरे।
मिलिन्ड कुमार ४३ र हरमित सिंक १० रनमा अविजित रहे।
सयान जहन्जीर ९ रनमा क्याच आउट भए।
ओपनर तथा कप्तान मोनान्क पटेल २ रनमा सोमपाल कामीको बलमा एलबीडब्लु धरापमा परे।
आरोन जोन्स १३ रन बनाउँदा ललित राजवंशीको बलमा रिजन ढकालको हातबाट क्याच आउट भए। आन्द्रे २ रनमा क्याच आउट भए।
नेपालका लागि सोमपाल कामीले ३ विकेट लिए। रिजन ढकाल र ललिच राजवंशीले समान एक विकेट लिए।
यसअघि लगातार दुई खेलमा विजयी हुँदै एक खेलअगावै सिरिज जितिसकेको नेपाली टोली क्लिन स्विप गर्ने योजनामा छ।
नेपालले पहिलो खेलमा १७ र दोस्रो खेलमा सुपर ओभरमा अमेरिकालाई हराएको थियो।
अमेरिका भने अन्तिम खेलमा सान्तवना जित हासिल गर्न चाहन्छ।
प्रतिक्रिया