२१ वर्षपछि बालन डिओरको सूचीमा परेनन् मेस्सी र रोनाल्डो

इंग्ल्यान्डलाई युरो २०२४ को फाइनलमा पुग्न मद्दत गर्ने ६ जना खेलाडी २०२४ को बालन डिओरका लागि छनौट हुँदा यसअघिका विजेताहरु भने ३० खेलाडीको छनोटमा पर्न सकेनन्।

पहिलो पटक सर्वाधिक विजेता लियोनल मेस्सी र क्रिस्टियानो रोनाल्डो सूची बाहिर छन्।

इंग्ल्यान्ड कप्तान ह्यारी केन, मिडफिल्डर जुड बेलिङ्घम, फिल फोडेन र डेक्लान राइस, फरवार्ड बुकायो साका र कोल पाल्मर २०२४ को उत्कृष्ट पुरुष फुटबलरको प्रतिष्ठित पुरस्कारको दौडमा छानिएका छन्।

जुलाईमा मात्र १७ वर्ष पुगेका स्पेन र बार्सिलोनाका विङ्गर लामाइन यामल पनि पहिलो पटक बालन डिओरको प्रतिस्पर्धामा आइपुगेका छन्।

इंग्ल्यान्ड युरो २०२४ को फाइनलमा पुगेको थियो तर १४ जुलाईमा बर्लिनमा भएको फाइनलमा स्पेनसँग २–१ ले पराजित भएको थियो।

प्रिमियर लिगमा क्रमशः पहिलो र दोस्रो स्थानमा रहेका म्यानचेस्टर सिटी र आर्सनलका संयुक्त आठ खेलाडी मनोनयनमा परेका छन्।

सन् २००३ पछि पहिलो पटक मेस्सी र रोनाल्डो भने बालन डि ओरको सूचीमा हटाउन सकेनन्।

अर्जेन्टिना र इन्टर मियामीका फरवार्ड लियोनेल मेस्सी, आठ पटकको बालन डी’ओर विजेता हुन्। उनले २०२३ मा पुरस्कार पनि पुरस्कार जितेका थिए। तर यस पटक उनी पनि सूचीमा पर्न सकेनन्।

२००३ पछि पहिलो पटक ३७ वर्षका मेस्सी र ३९ वर्षीय क्रिष्टियानो रोनाल्डो सूचीमा परेका छैनन्। मेस्सीले ८ र रोनाल्डोले ५ पटक यो उपाधि जितेका छन्।

यसअघिका विजेता करिम बेन्जेमा र लुका मोड्रिक यो वर्षको सूचीबाट बाहिर छन्। यससँगै नयाँ विजेता आउने पक्का भएको छ।

फिफा पुरुषको विश्व वरीयतामा शीर्ष १०० देशका पत्रकारहरूको निर्णायक मण्डलले यो अवार्डको लागि मतदान गर्छन्।

अक्टोबर २८ मा पेरिसमा हुने एक समारोहमा विजेताको घोषणा गरिनेछ।

बालन डिओर मनोनयनमा परेका ३० खेलाडी