नेपाली युवा खेलाडी प्रिन्स दाहाल जुनियर ब्याडमिन्टनतर्फ विश्व वरियताको १४औं स्थानमा उक्लिएका छन्। यसअघि ३२ औं स्थानमा रहेका दाहालले १८ स्थान सुधार गर्दै शिर्ष १४ मा पुगेका हुन्।
दाहालले आफ्नो लक्ष्य वरियता नं १ मा पुग्नु रहेको बताए। नेपालखबरसँग कुरा गदै दाहालले भने, ‘निकै खुसी छु। मैले जसरी मेहनत गरिरहेको छु, त्यसको फल पाइरहेको छु। विश्व वरियताको शिर्ष १४ मा पुग्नु भनेको मेरोलागि ठुलो उपलब्धी हो। अबको लक्ष्य नम्बर १ हुने हो त्यसको लागि पनि अझै मेहनत गर्छु।’
विभिन्न अन्तराष्ट्रिय प्रतियोगितामा सहभागिता जनाएका दाहालले ४ महिनाअघि भएको दुवई इन्टरनेसनल सिरिजमा उपाधि जितेपछि विश्व वरियताको शीर्ष ५० मा उक्लिएका थिए। योसँगै दाहालले सेनेगलमा सन् २०२२ मा हुने युथ ओलम्पिक खेल्नेछन्।
3
Shares
प्रतिक्रिया