भारतीय क्रिकेटको छनोट समितिका अध्यक्ष चेतन शर्माले राजीनामा दिएका छन्। उनले पूर्वकप्तान विराट कोहली र पूर्व बीसीसीआई अध्यक्ष सौरभ गांगुलीबीच ‘इगोको टक्कर’ रहेको बताउँदै गरेको भिडिओ एक स्टिङ अपरेसनबाट सार्वजनिक भएपछि उनले राजीनामा दिएका हुन्।
उनले त्यसो भन्दै गरेको भिडिओ भाइरल भएको थियो।
शर्मा २०२० देखि छनोट समितिको अध्यक्ष थिए। गत महिना उनी पुनः सो पदमा नियुक्त भएका थिए।
कोहलीले आफूलाई एक दिवसीय टोलीको कप्तानबाट बिनासल्लाह हटाएको भनी गरेको दाबी पनि झुठो भएको उनले सो भिडिओमा गरेका थिए। सो स्टिङ अपरेसन जीन्युजले गरेको थियो।
त्यस्तै, केही खेलाडीले घाइते भएपछि छिटो निको हुन इन्जेक्सन लगाउने गरेको र कहिलेकाहीँ घाइते अवस्थामै खेल्ने गरेको पनि आरोप लगाएका थिए।
त्यसयता उनले कुनै टिप्पणी गरेका छैनन्।
तर, उनले बीसीसीआईका सचिव जय शाहसामु राजीनामा दिएको बताइएको छ।
Shares
प्रतिक्रिया