लिभरपुलका मुख्य प्रशिक्षक क्लोपले क्लब नछाड्ने संकेत

लिभरपुलका मुख्य प्रशिक्षक जुर्गेन क्लोपले क्लब नछाड्ने संकेत गरेका छन्। क्लोपले आफूलाई जबर्जस्ती नगरिए क्लब नछाड्ने र गर्मीको समयमा एनफिल्डमा केही परिवर्तन हुने संकेत गरेका हुन्।

प्रिमियर लिगको नवौँ स्थानमा तथा शीर्ष चारको होडमा १० अंकले पछि रहेको रेड्स खराब लयमा रहे पनि उनले टोली नछाड्ने बताएका हुन्।

उनले भने, ‘म पनि चिन्तित छु, कसैले मलाई नभनेसम्म जादिनँ। अबको गर्मीमा केही परिवर्तन हुनेछ, त्यसमा केही परिवर्तन हुनेछ। मसँग सोच्नका लागि समय छ। हामीले अझ राम्रो फुटबल खेल्न चाहान्छौँ।’