युनिकोड
१३ औं साग अन्तर्गत टी ट्वान्टी क्रिकेट प्रतिस्पर्धामा नेपाली राष्ट्रिय क्रिकेट टोली कास्य पदक हात पार्न सफल भएको छ।
सोमबार नेपालले माल्दिभ्सलाई ५ विकेटले पराजित गर्दै कास्य जितेको हो।
सुरुवाती ब्याटिङ गरेको माल्दिभ्सले पुरा २० ओभर खेल्दा ९ विकेटको क्षतिमा ९४ रन बनाएको थियो।
९५ रनको लक्ष्य पछ्याएको नेपालले १६ दशमलब १ ओभरको समाप्तिमा ५ विकेटको उक्त लक्ष्य भेट्टाएको हो।
नेपालको जितका लागि आरिफ शेखले २८ बलमा ३ चौका र १ छक्का सहित सर्वाधिक ३२ रनको योगदान दिए ।
पवन सरार्फ १० र रोहित कुमार पौडेल १५ रनमा अविजित रहँदा कप्तान ज्ञानेन्द्र मल्लले २२ रन बनाए। विनोद भण्डारीले १२ रन जोडे।
स्वर्ण पदकका लागि श्रीलंका र बंगलादेश भिड्ने छन्।
प्रतिक्रिया