युनिकोड
इन्डियन प्रिमियर लिग (आईपीएल)अन्तर्गत बुधबार भएको खेलमा रोयल च्यालेन्जर्स बेंग्लोरले चेन्नई सुपर किंग्समाथि १३ रनको जित हात पारेको छ।
बुधबारको खेलमा पहिला ब्याटिङ गरेको बेंग्लोरले निर्धारित २० ओभरमा ८ विकेट गुमाउदै १७३ रन बनाएको थियो। बेंग्लोरका लागि महिपाल लोमरोरले ४२ तथा फाफ डुप्लेसिसले ३८ रन बनाएका थिए। चेन्नईका महेश थिक्सनाले ३ विकेट लिए।
जवाफी ब्याटिङमा उत्रिएको चेन्नईले निर्धारित ओभरमा ८ विकेट गुमाउँदै १६० रन मात्र बनाउन सक्यो।
चेन्नईका लागि डेभोन कोन्वेले ५६ रनको पाली खेले पनि त्यो जितका लागि पर्याप्त भने हुन सकेन। बेंग्लोरका हर्सल पटेलले ३ विकेट लिए।
यससँगै बेंग्लोर ११ खेलबाट १२ अंक जोड्दै लिगको चौथो स्थानमा उक्लिएको छ। चेन्नई भने १० खेलबाट ६ अंकको साथमा नवौं स्थानमा छ ।
प्रतिक्रिया