युनिकोड
एफएनजे मिडिया कप फुटसलको उपाधि न्युज २४ टेलिभिजनले उचालेको छ।
ललितपुरको च्यासलस्थित नेसनल स्पोट्र्स सेन्टरमा मंगलबार भएको फाइनल खेलमा नेपाल पत्रकार महासंघ ललितपुर शाखालाई ५–२ ले पराजित गर्दै न्युज २४ ले उपाधि हात पारेको हो।
उपाधिसँगै न्युज २४ ले २५ हजार रुपैयाँ प्राप्त गरेको छ। उपविजेता बनेको ललितपुर शाखाले १५ हजार रुपैयाँ पायो।
मंगलबार नै सेमिफाइनलमा न्युज २४ ले नेपाल पत्रकार महासंघ कास्की शाखालाई ७–२ ले पाखा लगायो। अर्को सेमिफाइनलमा ललितपुर शाखाले शिलापत्र डटकमलाई ४–१ हराउँदै उपाधि भिडन्त पक्का गरेका थिए।
प्रतियोगितामा न्युज २४ का सुरज मर्हजन उत्कृष्ट खेलाडी तथा न्युज २४ कै पीयुष बहादुर श्रेष्ठ उत्कृष्ट गोलरक्षक घोषित भए। उनीहरुले समान २५ सय रुपैयाँ प्राप्त गरे।
नेपाल पत्रकार महासंघले ६७औं स्थापना दिवसको अवसरमा आयोजना गरेको प्रतियोगितामा १४ टोली सहभागी थिए।
प्रतिक्रिया