छैठौँ राजर्षि जनक कप फुटवल प्रतियोगिता अन्तर्गत बुधबार भएको अन्तिम क्वाटर फाइनल खेलमा मछिन्द्र फुटबल क्यल विजयी भएको छ।
नेपालको ए डिभिजन लिग च्याम्पियन मछिन्द्र फुटबल क्लबले एभिनिर फुटबल क्लब क्यामरुनलाई ५–६ गोल अन्तरले पराजित गरेको हो।
निर्धारित समयमा दुबै टोलीले कुनै पनि गोल नगरेपछि खेलको निर्णय ट्राइबेकरमार्फत् गरिएको थियो। निर्धारित समय सकिँदा साँझ परेपछि समय थप नगरी रेफ्रीले सिधै खेललाई ट्राइबेकरमा लगेका थिए।
ट्राइबेकरमा मछिन्द्रले क्यामरुनलाई ५ का विरुद्ध ६ गोलले पराजित गरेको हो। आज पहिलो सेमिफाइनल खेल आयोजक बागमती युवा क्लव र पिप्ले युवा क्लव हेटौँडाबीच हुने छ।
प्रतियोगितामा आयोजक बागमती युवा क्लव, नेपाल पुलिस क्लब, सशस्त्र प्रहरीको एपिएफ क्लब, मछिन्द्र फुटबल क्लब, हिमालयन शेर्पा क्लब, न्यूरोड टिम एनआरटी, नव जनजागृति युवा क्लब सीमरा, सुदूरपश्चिम-११ धनगढी, केबीए ग्लोबल बीएफसी चितवन, ध्रुबतारा स्पोर्टिङ क्लब दमक र विदेशी टिम एभिनिर फुटबल क्लब क्यामरुन सहभागी छन्।
प्रतियोगिताको बिजेता टिमले १० लाख १ हजार र उपबिजेताले ५ लाख ५ सय पुरस्कार प्राप्त गर्ने छन्।
त्यस्तै प्रतियोगिताकै सर्वोत्कृष्ट खेलाडीलाई नगद ५१ हजार, प्रतियोगिताकै उत्कृष्ट गोलकिपर, प्रशिक्षक, मिडफिल्डर र रक्षकलाई पनि नगद २५–२५ हजार, हरेक खेलको म्यान अफ दि म्याच हुने खेलाडीलाई नगद १० हजार र प्रतियोगितामा उत्कृष्ट खेल प्रदर्शन गर्ने बागमती नगरपालिका भित्रका एक खेलाडीलाई मोटरसाईकल प्रदान गरिने आयोजक बागमती युवा क्लबका अध्यक्ष किस्मत मैनालीले जानकारी दिए।
Shares
प्रतिक्रिया