युनिकोड
ए डिभिजन लिगको सर्वाधिक सफल मनाङ मस्र्याङदी क्लब नेपाल एपीएफ फुटबल क्लबसँग स्तब्ध भएको छ।
काठमाडौमा जारी कतार एयरवेज शहिद स्मारक ए डिभिजन लिगमा मनाङ एपीएफसँग ३-१ ले पराजित भयो।
एपीएफले लिगमा तेस्रो जित दर्ता गरेको दिन मनाङले भने तेस्रो हार भोगेको हो।
खेलको ३७ औँ मिनेटमा कप्तान अन्जन विष्टको गोलमा मनाङले सुरुवाती अग्रता बनाए पनि त्यसलाई जोगाउन नसक्दा एपीएफसँग हार भोग्न बाध्य भयो।
खेलको ४० औँ मिनेटमा आशिष लामाले गोल गर्दै एपीएफलाई बराबरीमा ल्याए।
पहिलो हाफमा बराबरी गरेको एपीएफले दोस्रो हाफमा २ गोल थप्यो।
खेलको ८१ औँ मिनेटमा मनि कुमार लामाले गोल गर्दै एपीएफलाई २-१ को स्थितिमा ल्याए। ८७ औँ मिनेटमा कप्तान नविन लामाले गोल गर्दै एपीएफको जित पक्का गरे।
प्रतिक्रिया