युनिकोड
फिफा वरीयतामा नेपालले दुई स्थान सुधार गरेको छ। विश्व फुटबलको सर्वोच्च निकाय फिफाले बिहीबार सार्वजनिक गरेको नयाँ वरीयतामा नेपाल १ सय ६७ औं स्थानमा परेको हो।
नेपालले साउथ सुडान र ग्रेनाडालाई उछिनेको हो। यसअघि नेपाल १ सय ६९ औं स्थानमा थियो। नेपाल माघ १५ र १९ गते मौरिसससँग दुई मैत्रीपूर्ण खेल खेलेको थियो। दुवैमा नेपाल विजयी भएको थियो।
दक्षिण एसियामा नेपालभन्दा अगाडि भारत र माल्दिभ्स छन्। भारत १ सय ४ र माल्दिभ्स १ सय ५७ औं स्थानमा रहेको छन्। दुवै यसअघिको वरियतामा यथावत रहेका हुन्।
नयाँ वरीयताको शीर्ष स्थानमा भने बेल्जियम यथावत छ। ब्राजिल दोस्रो र फ्रान्स तेश्रो स्थानमा कायम रहँदा अर्जेन्टिनाले एक स्थान सुधार गर्दै चौथो स्थानमा चढेको छ। यसअघि चौथोमा रहेको इंग्ल्यान्ड पाँचौंमा पुगेको छ।
इटाली, स्पेन, पोर्चुगल, डेनमार्क र नेदरल्यान्ड्स क्रमश शीर्ष दशभित्र अटाएका छन्।
प्रतिक्रिया