युनिकोड
च्यासल युथ क्लबका खेलाडीमा कोरोना सक्रमण देखिएपछि स्थगित भएको नेपाल पुलिस क्लब र च्यासल युथ क्लबबीचको खेल फेरि पनि स्थगित भएको छ।
सहिद स्मारक ए डिभिजन लिगको नवौं चरणमा च्यासलका १९ खेलाडीमा कोरोना संक्रमण देखिएपछि स्थगित गरेको खेल शनिबार खेलाउने अखिल नेपाल फुटबल संघ (एन्फा) ले तयारी गरेको थियो।
तर मैदानको कारण देखाउँदै एन्फाले यी दुई टोलीको खेल माघ २६ गते बुधबार दिउँसो १ बजेका लागि सारेको छ।
लिगको अंक तालिकामा पुलिस क्लब ७ अंकमा ११ र च्यासल ५ अंकमा १३ औँ स्थानमा छ।
लिग चरणका बाँकी खेलहरु माघ २८ गतेबाट खेलाउने एन्फाले जनाएको छ।
प्रतिक्रिया