नेपाल क्रिकेट संघ (क्यान)ले सन् २०२२ को नयाँ केन्द्रीय सम्झौताका लागि खेलाडीको नयाँ वर्गीकरण सार्वजनिक गरेको छ।
रुपन्देहीमा बिहीबार बसेको क्यानको बोर्ड बैठकले महिला र पुरुष दुवै तर्फका १८÷१८ जना खेलाडीलाई वर्गीकरणमा राखेको हो।
वर्गीकरण अनुसार पुरुषतर्फ ग्रेड ‘ए’ मा सन्दीप लामिछाने, ज्ञानेन्द्र मल्ल, दीपेन्द्रसिंह ऐरी, सोमपाल कामी र करण केसी रहेका छन्।
यस्तै, ग्रेड ‘बी’ मा कुशल भुर्तेल, आसिफ शेख, शरद भेषावकर, आरिफ शेख, अविनाश बोहोरा र विनोद भण्डारी रहेका छन्।
यस्तै ग्रेड ‘सी’ मा कुशल मल्ल, रोहित कुमार पौडेल, कमलसिंह ऐरी, विक्रम सोब, साहब आलम, सुशन भारी र पवन सर्राफ रहेका छन्।
महिलातर्फ ग्रेड ‘ए’ मा रुविना क्षेत्री, सीता रानामगर, इन्दु बर्मा, काजल श्रेष्ठ र करुणा भण्डारी रहेका छन्।
यस्तै ग्रेड ‘बी’ मा सरिता मगर, कविता कुँवर, अप्सरी बेगम, सरस्वती चौधरी, सबनम राई र ज्योति पाण्डे रहेका छन्।
यसैगरी समूह ‘सी’ मा डली भट्ट, कविता जोशी, संगिता राई, रोमा थापा, अस्मिना कर्माचार्य र विन्दु रावल रहेका छन्।
Shares
प्रतिक्रिया