युनिकोड
खेलाडीमा कोरोना संक्रमणको आशंका भएपछि प्रधानमन्त्री कप टी–२० राष्ट्रिय क्रिकेट प्रतियोगितामा नेपाल पुलिस क्लब र प्रदेश १ बीचको खेल स्थगित भएको छ।
शनिबार ९ बजे खेल हुने भनिए पनि प्रदेश १ का खेलाडीमा कोरोना संक्रमणको आशंका भएपछि आजको खेल स्थगित भएको नेपाल क्रिकेट संघ (क्यान) ले जनाएको छ।
प्रदेश १ का खेलाडीमा कोरोना आशंका भएपछि उनीहरुकै आग्रहमा कोरोना परीक्षण गर्न लागिएको हो।
आजै खेलाडीको कोरोना परीक्षण आजै हुने र नतिजा आएपछि मात्रै खेलमा अंक बाँड्ने वा पुनः खेलाउने भन्ने बारेमा थाहा हुने क्यानले जनाएको छ।
आजका लागि तय भएको बागमती र गण्डकी प्रदेशबीचको खेल भने तोकिएकै समयमा हुनेछ।
कोरोना परीक्षणमा सबैको नेगेटिभ आए आज स्थगित भएको खेल पर्सी मंगलबार हुने क्यानले बताएको छ।
प्रतिक्रिया