कारबाओ कपको सेमिफाइनल अन्तर्गतको पहिलो लेगमा लिभरपुल र आर्सनलले गोलरहित बराबरी खेलेका छन्।
बिहीबार राति भएको खेलको २४ औं मिनेटमा आर्सनलका ग्रानिट साका रातो कार्ड खाँदै मैदानबाट बाहिरिएका थिए।
त्यससँगै आर्सनल १० खेलाडीमा सीमित भएको थियो। तर, लिभरपुलले त्यसको फाइदा भने उठाउन सकेन।
खेललाई लिभरपुलले अधिकांश समय आफ्नो नियन्त्रणमा राखे पनि नतिजा भने दिन सकेन।
अफ्रिका कप चलिरहेको कारण लिभरपुलका मोहम्मद सलाह तथा साडियो मानेजस्ता खेलाडी भने बिहीबारको खेलमा अनुपस्थित थिए।
त्यसको असर पनि आर्सनलसँगको खेलमा देखिएको हो। अब उनीहरुबीच हुने दोस्रो लेगको खेलले फाइनलमा पुग्ने टोली निर्धारण गर्नेछ।
यसअघि नै चेल्सी कारबाओ कपको फाइनलमा पुगिसकेको छ।
30
Shares
प्रतिक्रिया