युनिकोड
बिगबास लिगमा नेपाली लेग स्पिनर सन्दीप लामिछानेले एकै ओभरमा २ विकेट लिएका छन्।
लामिछानेले सिड्नी थन्डर्सका ब्याक्स्टर होल्ट र नाथन म्याकएन्ड्रुको विकेट लिएका हुन्।
१८औँ ओभरको पहिलो बलमा विकेट लिएका उनले दोस्रो डट बल फ्याँक्दा तेस्रोमा चौका दिए। त्यसपछि चौथो बलमा पुनः विकेट झारे भने पाँचौँ डट र छैटौंमा १ रन दिए।
आजको खेलमा लामिछानेले ४ ओभर बलिङ गरेर २६ रन दिँदै २ विकेट लिएका छन्।
उनको क्लब होबार्ट हरिकेन्सले पहिले ब्याटिङ गर्दै ६ विकेट गुमाएर १ सय ७७ रन बनाएको थियो।
१७८ रनको लक्ष्य पछ्याएको सिड्नीले निर्धारित २० ओभरमा ९ विकेटको क्षतिमा १६८ रन मात्र बनाउन सक्यो।
प्रतिक्रिया