नेपालमा आयोजना हुने १३ औं दक्षिण एसियाली खेलकुद सागका लागि नेपाली यू-२३ राष्ट्रिय फुटबल टिमको घोषणा भएको छ।
अखिल नेपाल फुटबल संघ एन्फाले सोमबार २० सदस्सीय नेपाली टिमको घोषणा गरेको हो। मुख्य प्रशिक्षक बाल गोपाल महर्जनले घोषणा गरेको साग टिममा सिनियर टोलीका विकेश कुथु, बिक्रम लामा र सुजल श्रेष्ठ परेका छन्।
त्यसबाहेक बन्द प्रशिक्षणमा रहेका किरण चेम्जोङ, रोहित चन्द र नवयुग श्रेष्ठ टिमबाट बाहिरिएका छन। सागमा २३ वर्ष मुनिका खेलाडीले प्रतिस्पर्धा गर्ने छन्। जसमा तीन जना सिनियर खेलाडी राख्न पाइने प्रावधान छ।
नेपाली टिम : गोलकिपर : विकेश कुथु, अर्पण कार्की, दीप कार्की डिफेन्डर : अनन्त तामाङ, दिनेश राजवंशी, विकास खवास, सुमन अर्याल, छिरिङ गुरङ मिडफिल्डर : बिक्रम लामा, मिक्चेन तामाङ, सुजल श्रेष्ठ, सुनिल बल, तेज तामाङ, सेसेहाङ आङदेम्बे, हेमन्त थापा मगर, नितिन थापा फरवार्ड : विमल घर्ती मगर, रेजिन सुब्बा, अभिषेक रिजाल, अन्जन विष्ट
प्रतिक्रिया