युनिकोड
त्रिभुवन आर्मी क्लबलाई पराजित गर्दै नेपाल पुलिस क्लबले प्रधानमन्त्री कप टी–२० क्रिकेट प्रतियोगितामा लगातार दोस्रो जित दर्ता गरेको छ।
किर्तिपुरस्थित त्रिवि क्रिकेट मैदानमा भएको खेलमा पुलिस क्लबले आर्मीलाई ४ विकेटले पराजित गरेको हो।
आर्मीले दिएको १ सय ३८ रनको लक्ष्य पुलिस क्लबले १८ ओभरमा ६ विकेट गुमाएर भेट्टायो। पुलिस क्लबका ओपनर कुशल भुर्तेल ३५, रसिद खानले २८ रन दिए। दिलिप नाथ २५ र योगेन्द्र सिंह कार्की ९ रनमा नटआउट रहे।
आर्मीका शाहब आलमले ३, जितेन्द्र मुखियाले २ तथा कुशल मल्लले एक विकेट झारे।
त्यसअघि पुलिस क्लबले टस जितेर फिल्डिङ रोजेपछि ब्याटिङ गरेको आर्मीले १९ दशमलव ५ ओभरमा १ सय ३७ रन बनाउँदा अलआउट भयो।
आर्मीका कप्तान विनोद भण्डारीले ४४ रनको योगदान दिए। सोमपाल कामीले ४२ रन थपे। कुशल मल्ल र सुशन भारीले समान १२ रन बनाए।
आर्मीलाई रोक्न करण केसी एक्लैले ४ विकेट झारे। करणले आफ्नो स्पेलमा १७ रन खर्चे।
गुल्सन झा र योगेन्द्र सिंह कार्कीले समान २ तथा आरिफ शेख र दिपेन्द्र सिंह ऐरीले १/१ विकेट लिए।
प्रतिक्रिया