युनिकोड
सोमबार भएको एकदिवसीय क्रिकेटमा नेपाल भ्रमणमा रहेको एमससीलाई नेपाली टोलीले ५ विकेटले पराजित गरेको हो।
एमसीसीले दिएको २ सय २ रनको लक्ष्यलाई नेपालले ३७.३ ओभरमा ५ विकेट गुमाएर भेट्टाएको हो।
नेपालको जितमा विनोद भण्डारीले ५२ रनको योगदान दिए। अर्धशतकीय इनिङ खेलेका भण्डारीले ४ चौका र २ छक्का प्रहार गरेका थिए। यस्तै पवन सरार्फले ३८ रनको योगदान दिए।
यसअघि आइतबार एमसीसीले नेपाली यू-१९ टोलीलाई ३८ रनले पराजित गरेको थियो।
एक साता नेपालको भ्रमणमा रहने एमसीसीको टोलीले नेपाली राष्ट्रिय क्रिकेट टोलीसँगै, यू १९ क्रिकेट टोलीसँग टी–ट्वान्टी, एक दिवसीय र प्रथम श्रेणीको क्रिकेट खेल्ने तालिका तय भएको छ।
एमसीसीले ३ नोभेम्बरमा नेपालको यू १९ टोलीसँग र ४ नोभेम्बरमा राष्ट्रिय टोलीसँग एकदिवसीय खेलिसकेको छ। यस्तै ६ देखि ८ नोभेम्बर सम्म एमसीसी र नेपाल राष्ट्रिय टोलीबीच तीनदिवसीय प्रथम श्रेणीको क्रिकेट हुनेछ।
शनिबार एमसीसी टोली नेपाल आएको हो।
प्रतिक्रिया