युनिकोड
नेपाली राष्ट्रिय महिला क्रिकेट टिमले बंगलादेशमा बंगबन्धु बीकेएसपी कप वुमन फ्रेन्डसिप टी-२० सिरिज जित्न सफल भएको छ।
बंगलादेशको बीकेएसपीको टिमलाई बुधबार ७ विकेटले हराउँदै नेपाली महिला क्रिकेट टिमले सिरिज २-१ ले जितेको हो।
विश्वकपको एसिया छनोटको तयारीमा रहेको नेपाली टिम बन्द प्रशिक्षणका लागि बंगलादेश गएको थियो ।
बंगलादेशमा रहँदा नेपाली टिमले प्रशिक्षणसँगै सिरिज अन्तर्गत तीन मैत्रीपूर्ण खेल खेलेको हो।
पहिलो खेल २४ रनले जितेको नेपालले दोस्रो खेल ५ विकेटले गुमायो। तर अन्तिम खेलमा ७ विकेटले विजयी हुँदै नेपाली टोलीले सिरिज जितेको हो।
घरेलु टोलीले दिएको ५४ रनको सामान्य लक्ष्य नेपालले १४ ओभरमा ३ विकेट गुमाउँदै भेट्टायो।
नेपालका लागि सरिता मगर र कविता जोशीले अविजित रहँदै १३ र १४ रन बनाए। काजल श्रेष्ठ १०, सीता राना ५, इन्दु बर्माले ६ रन बनाए।
बंगलादेशी टोलीकी काब्या खातुनले २ र रब्याले १ विकेट लिए। पहिले ब्याटिङ गरेको बीकेएसपीले १६.५ ओभरमा अलआउट हुँदै ५३ रन बनाएको थियो।
उसका लागि बोन्याले अविजित १७ रन बनाइन्। अरुले दोहोरो अंक छुन सकेनन् ।
नेपालका लागि रुबिना क्षेत्रीले ४, करुणा भण्डारीले २ विकेट लिए। कविता कुँवर र सीता रानाले १ विकेट लिए ।
तेस्रो खेलकी म्यान अफ द म्याच नेपाली कप्तान रुबिना क्षेत्री प्लेयर अफ दी सिरिज बनिनन्।
प्रतिक्रिया