टोटेनहमका मुख्य प्रशिक्षक नुनो इस्पिर्टो सान्टो ४ महिनामा नै बर्खास्त भएका छन्।
शनिबार राति भएको खेलमा म्यानेष्टर युनाइटेडसँग ३-० ले पराजित भएपछि टोनहमले सान्टोलाई बर्खास्त गरेको हो।
प्रिमियर लिगका पछिल्ला ७ मध्ये टोटेनहमले ५ खेलमा हार भोगेको छ।
अंक तालिकाको आठौं स्थानमा रहेको टोटेनहमको शीर्षस्थानको चेल्सीको भन्दा १० अंक पछाडि छ।
टोटनहमका फुटबल निर्देशक निर्देशक फाबियो पाराटिकीले भने, 'मलाई थाहा छ नुनोले आफ्नो प्रशिक्षणमा क्लबलाई सफलता दिलाउन चाहान्थे, हाम्रो निर्णयका लागि दुःख लागेको छ।'
४७ वर्षीय नुनोले क्लबसँग ४ वर्षको सम्झौता गरेका थिए।
'नुनो एकदमै भद्र व्यक्ति हुन्, उनलाई यहाँ सधै स्वागत छ', पाराटिकीले थपे, 'हामी उनलाई उनको प्रशिक्षण टोलीलाई आगामी दिनको लागि शुभकामना दिन चाहान्छौँ।'
Shares
प्रतिक्रिया