आगामी असार १७ गते हुने एनएसजेफ पल्सर स्पाेर्टस अवार्डलाई सह- प्रायाेजनका रुपमा सगरमाथा सिमेन्ट र टर्किस एयरलाइन्सकाे साथ दिएका छन्।
एनएसजेएफले बिहीबार काठमाडौंमा एक कार्यक्रमकाबीच घाेराही सिमेन्ट इन्डस्ट्री प्रालिकाे उत्पादन सगरमाथा सिमेन्ट र टर्किस एयरलाइन्ससँग सह-प्रायाेजन सम्झाैता गरेकाे हाे।
मञ्चका अध्यक्ष देवेन्द्र सुवेदी र घाेराही सिमेन्टकाे निर्देशक आदित्य सांघाई तथा अर्को सम्झौतामा मञ्चका अध्यक्ष सुवेदी र टर्किस एयर लाइन्सका कन्ट्री डाइरेक्टर अब्दुल्लाहले हस्ताक्षर गरे।
सम्झाैता अनुसार सगरमाथा सिमेन्टले अवार्डका लागि ५ लाख रुपैयाँ उपलब्ध गराउने छ। यस्तै टर्किसले मञ्चका सदस्यलाई १० प्रतिशत, वर्ष पुरुष र महिला विजेतालाई ५ लाख बराबरकाे दुई थान टिकट उपलब्ध गराउने छ। दुबै सम्झाैता १ वर्षकाे रहेकाे छ।
Shares
प्रतिक्रिया