कोपा अमेरिका: कोलम्बियाको दोस्रो जित

कोलम्बियाले ब्राजिलमा जारी कोपा अमेरिका फुटबलमा लगातार दोस्रो जित हात पारेको छ। 

समूह चरणको खेलमा बिहीबार बिहान आमन्त्रित टोली कतारलाई १-० गोल अन्तरले पराजित गर्दै कोलम्बियाले दोस्रो जित निकालेको हो।

मोरुम्बी स्टेडियममा भएको खेलमा कोलम्बियाको जितमा डुभान जापाटाले खेल सकिन ४ मिनेटमा निर्णायक गोल गरेका थिए।

जितसंगै समूह 'बी' को कोलम्बियाले २ खेलबाट ६ अंक जोडेको छ। यसअघि पहिलो खेलमा कोलम्बियाले अर्जेन्टिनालाई २-० ले हराएको थियो।