युनिकोड
द युनियन अफ युरोपियन फुटबल एसोसिएसन्स (यूईएफए)ले इंग्ल्यान्डलाई कारबाही गरेको छ।
युरोकप २०२० को सेमिफाइनलका दौडान बुधबार वेम्बलीमा भएको इंग्ल्यान्डसँगको खेलमा डेनमार्कका गोलरक्षक कास्पर स्माइकलको अनुहारमा लेजर लाइट देखाइएको थियो।
टेलिभिजन दृश्यबाट लिइएको तस्बिरमा उनको अनुहारमा हरियो बत्तीको प्रकाश देख्न सकिन्छ। इंग्ल्यान्ड फरवार्ड ह्यारी केनले थप भएको समयमा पेनाल्टी लिइरहँदा यो घटना भएको हो।
यसका बाबजुद स्माइकलले पेनाल्टी बचाएका थिए। तर रिबाउन्ड भएको बलमा केनले फेरि गोल गर्न सफल भए।
सो गोलसँगै इंग्ल्यान्डले २–१ गोल अन्तरको जितसँगै आइतबार इटालीसँगको भेट पक्का गरेको थियो।
यूईएफएले डेनमार्कको राष्ट्रियगान बजिरहँदा अवरोध गर्न खोजेको र आतिसबाजी गरेको भन्दै यसविरुद्ध पनि कारबाही गरेको छ।
उक्त घटनाबारे यूईएफए कन्ट्रोल, एथिक्स एक्ड डिसिप्लिनरी बडी (सीईडीबी)ले अनुसन्धान गर्नेछ। बीबीसी
प्रतिक्रिया