भिरबाट लडेर २ जनाको मृत्यु

बाजुराको बडीमालिकामा भिरबाट लडेर  दुई जनाको मृत्यु भएको छ।

बडीमालिका नगरपालिका–१ पाटाका ६० वर्षीय मानबहादुर दानीको आइतबार वनमा घाँस काट्न गएका बेला भिरबाट लडेर मृत्यु भएको जिल्ला प्रहरी कार्यालयका प्रहरी निरीक्षक तथा सूचना अधिकारी गगनसिंह भाटले जानकारी दिए।

त्यसैगरी बडीमालिका नगरपालिका–६ कोर्धका बलबहादुर खड्काकी छोरी छ वर्षीया जसना खड्काको पनि भिरबाट लडेर मृत्यु भएको प्रहरीले जनाएको छ।

प्रहरी निरीक्षक भाटका अनुसार गाउँ नजिकैको वनमा आमासँग घाँस काट्न गएका बेला बालिका भिरबाट लडेकी थिइन्।