युनिकोड
सर्लाहीको बागमतीबाट प्रहरीले ४ राउन्ड गोलीसहित दुई युवालाई पक्राउ गरेको छ।
बागमती नगरपालिका- १० बाट गएराति उनीहरुलाई पक्राउ गरिएको इलाका प्रहरी कार्यालय बरहथवाका डीएसपी मुक्ति सापकोटाले जानकारी दिए।
‘शंकरपुरबाट सोल्टी तर्फ जाँदै गरेको बिआर–३० डब्लु–५८८३ नम्बरको मोटरसाइक रोकेर जाँच गर्ने क्रममा ८ एमएम को ४ राउन्ड गोलीसहित दुई युवा पक्राउ परेका छन्,’ सापकोटाले भने, ‘उनीहरुलाई हिरासतमा राखेर हामी थप अनुसन्धान गरिरहेका छौँ।’
डीएसपी सापकोटाका अनुसार पक्राउ पर्नेमा बागमती नगरपालिका–८ २४ वर्षीय रञ्जित राम र सर्लाही सदरमुकामसमेत रहेको मंलगवा नगरपालिका–१ घर भएका २१ वर्षीय पोसन महरा छन्।
विषेश सूचनाको आधारमा अस्थायी प्रहरी चौकी सोल्टी र जिल्ला प्रहरी कार्यालय सर्लाहीबाट खटिएको प्रहरीले टोलीले उनीहरुलाई पक्राउ गरेको हो।
प्रतिक्रिया