युनिकोड
सर्लाहीका प्रमुख जिल्ला अधिकारी (सीडीओ) र प्रहरी प्रमुख (एसपी) लाई विभिन्न संघ संस्थाले मायाको चिनो दिएर बिदाइ गरेका छन्।
सरकारले सर्लाहीबाट एकसाथ अन्यत्र सरुवा गरेपछि सीडीओ इन्द्रदेव यादव र एसपी नरेशराज सुवेदी सर्लाहीबाट बिदा भएका हुन्।
सर्लाही सदरमुकाम मलंगवामा केही समयअघि धार्मिक तथा साम्प्रदायिक सद्भाव खल्बलिँदा यादव र सुवेदीले निकै सुझबुझ ढंगले प्रशासनिक भूमिका निर्वाह गरेको जानकारहरु बताउँछन्।
झण्डै एक साता कर्फ्युसहितका प्रशासनिक कडाइको कारण मलंगवामा सामाजिक सद्भाव भड्किन पाएको थिएन। अहिले मलंगवाको अवस्था सामान्य छ।
सीडीओ यादव र एसपी सुवेदीले एक वर्षभन्दा लामो समय सर्लाहीमा बसेर काम गरेका छन्।
सरकारले सीडीओ यादवलाई इलाम सरुवा गरेको छ भने एसपी सुवेदी अपराध अनुसन्धान महाशाखा काठमाडौं सरुवा भएका हुन्। एसपी सुवेदी काज सरुवा भएका हुन्।
सर्लाहीमा अब नयाँ सीडीओको रुपमा कोमलप्रसाद धमला र एसपी प्रवीण धिताल आउँदैछन्।
प्रतिक्रिया