बाँकेमा जिपको ठक्करबाट ६० वर्षीय वृद्धको मृत्यु

बाँकेमा जिपकाे ठक्करबाट एकजनाको मृत्यु भएकाे छ। पूर्वपश्चिम राजमार्गमा पश्चिमबाट पूर्वतर्फ जाँदै गरेको प्र २०३ ००१ च ३९९२ नम्बरकाे जिपले ठक्कर दिँदा उनकाे मृत्यु भएकाे प्रहरीले जनाएकाे छ।

मृत्यु हुनेमा काेहलपुर नगरपालिका–१५ का ६० वर्षीय अटवारी थारु रहेका जिल्ला प्रहरी कार्यालय, बाँकेका प्रहरी नायव उपरीक्षक दीपक पातलीले जानकारी दिए।

सडक छेउमा पैदल यात्रा गरिरहेका थारुलाई जिपले ठक्कर दिँदा उनकाे घटनास्थलमै मृत्यु भएकाे हाे।

 घटनापछि इलाका प्रहरी कार्यालय, सुनवलको टोलीले जिप चालकलाई नियन्त्रणमा लिएको छ।