जीप दुर्घटना हुँदा दुईको मृत्यु, दुई घाइते

दैलेखमा जीप दुर्घटना हुँदा दुई जनाको मृत्यु एको छ।

दैलेख सदरमुकामबाट उमतर्फ जाँदै गरेको भे १ ज ३९९१ नम्बरको जीप डुंगेश्वर गाउँपालिका–२ मा शुक्रबार राति दुर्घटना भएको जिल्ला प्रहरी कार्यालय दैलेखले जनाएको छ।

दुर्घटनामा डुंगेश्वर गाउँपालिका–२ उम गाउँकी ७१ वर्षीया चन्द्रकला ओली र ९ वर्षीय बालक दमन बुढाको मृत्यु भएको दैलेखका प्रहरी नायब उपरीक्षक हरिबहादुर ओलीले जानकारी दिए।

दुर्घटनामा दुई जना घाइते भएका छन्। दुर्घटनापछि चालक सुरेश बिक भागेका प्रहरीले जनाएको छ।