पछिल्लो २४ घण्टामा उपत्यकामा १२ सय ६३ नयाँ संक्रमित फेला परेका छन्।
स्वास्थ्य तथा जनसंख्या मन्त्रालयका अनुसार काठमाडौंमा ८ सय ९०, भक्तपुरमा १ सय २१ र ललितपुरमा २ सय ५२ जनामा कोरोना संक्रमण पुष्टि भएको हो।
देशैभर भने आज कुल ४ हजार ७ सय ६२ संक्रमित थपिएका छन्। आरटी पीसीआर र एन्टीजेनसहित कुल १७ हजार ४ सय ८० परीक्षणका क्रममा उक्त संख्यामा संक्रमित थपिएको मन्त्रालयले जनाएको छ।
त्यस्तै आज कुल ६ हजार ४ सय ९१ जनाले कोरोना जितेका छन्। पछिल्लो २४ घण्टामा कोरोनाबाट मृत्यु भएको संख्या भने ११४ रहेको मन्त्रालयले जनाएको छ।
कोरोनाबाट हालसम्म नेपालमा ७ हजार ३ सय ८६ जनाको ज्यान गइसकेको छ। निको हुने दर नेपालमा ७९.७ प्रतिशत छ।
प्रतिक्रिया