युनिकोड
बंगालको खाडीमा बनेको शक्तिशाली यास चक्रवातको प्रभावले नेपालमा पनि केही दिनयता लगातार वर्षा र हिमपात जारी छ।
मौसम पूर्वानुमान महाशाखाका अनुसार अहिले पनि देशभर मौसम बदली छ भने केही स्थानमा मेघगर्जन/चट्याङ/हावाहुरीसहित वर्षा भइरहेको छ।
यस्तै आज राति देशका धेरै स्थानमा मेघगर्जन/चट्याङ/हावाहुरीसहित हल्कादेखि मध्यमसम्म वर्षा हुने सम्भावना छ।
बिहीबार साँझ ६ बजे जारी मौसम पूर्वानुमान बुलेटिनमा भनिएको छ– ‘प्रदेश १, प्रदेश २, बागमती, गण्डकी र लुम्बिनी प्रदेशका केही स्थानमा भारी वर्षा, उच्च वेगको हावाहुरी र १/२ स्थानमा अति भारी वर्षाको सम्भावना छ।’
यस्तै गण्डकी, बागमती प्रदेश र प्रदेश १ का उच्च हिमाली/पहाडी भेगका केही स्थानमा हल्कादेखि मध्यमसम्म हिमपात/वर्षाको सम्भावना रहेको महाशाखाले जनाएको छ।
वर्षा र हिमपातका कारण हुन सक्ने क्षतिबाट बच्न भन्दै महाशाखाले आगामी २४ घण्टाका लागि चेतावनी तथा परामर्श पनि जारी गरेको छ।
जसमा भनिएको छ– प्रदेश १, प्रदेश २, बागमती, गण्डकी, लुम्बिनी र कर्णाली प्रदेशका केही स्थानमा र बाँकी प्रदेशको एक वा दुई स्थानमा मेघगर्जन/चट्याङसहित हल्कादेखि मध्यम वर्षाको सम्भावना छ। प्रदेश १, प्रदेश २, बागमती, गण्डकी र लुम्बिनी प्रदेशका केही स्थानमा भारी वर्षा, उच्च वेगको हावाहुरी १–२ स्थानमा अति भारी वर्षाको सम्भावना छ। गण्डकी, बागमती प्रदेश र प्रदेश १ का उच्च हिमाली/पहाडी भूभागका केही स्थानमा हल्कादेखि मध्यम हिमपात/वर्षाको सम्भावना रहेकाले आवश्यक सतर्कता अपनाउन हुन अनुरोध छ।
प्रतिक्रिया