युनिकोड
पृथ्वीराजमार्गअन्तर्गत तनहुँको व्यास नगरपालिका–१२ कमलाबारीमा भएको सवारी दुर्घटनामा पतिको मृत्यु भएको छ भने पत्नी घाइते भएकी छन्।
दुर्घटनामा भानु नगरपालिका–५ बस्ने ३९ वर्षीय सुदीपराज पौडेलको मृत्यु भएको जिल्ला प्रहरी कार्यालय तनहुँले जनाएको छ।
दुर्घटनामा उनकी पत्नी ३४ वर्षीय प्रेमा न्यौपाने पौडेल घाइते भएकी छन्। सुदीपको पोखरास्थित मणिपाल शिक्षण अस्पतालमा उपचारको क्रममा मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक लीलाराज लामिछानेले जानकारी दिए।
घाइते प्रेमाको सोही अस्पतालमा उपचार भइरहेको छ। डुम्रेबाट दमौलीतर्फ आउँदै गरेको ना ६ ख ७५६० नम्बरको ट्रकले राजमार्ग छेउमा रोकिराखेको प्रदेश ३–०१–००१–य नम्बरको कारलाई ठक्कर दिएपछि सोही दिशाबाट आउँदै गरेको ना २० प ३१०९ नम्बर को मोटरसाइकललाई कारले ठक्कर दिँदा दुर्घटना भएको हो।
प्रतिक्रिया