युनिकोड
नेपाली चलचित्र क्षेत्रकी चर्चित अभिनेत्री सुभद्रा अधिकारीको निधन भएको छ।
लामो समयदेखि दमको रोगबाट पीडित ७३ वर्षीया अधिकारीको शनिबार बिहान काठमाडौँको डल्लुस्थित आफ्नै निवासमा निधन भएको हो।
कलाकार कृष्ण मल्लले अभिनेत्री अधिकारिको निधन भएको पुष्टि गरेका छन्।
पाँच वर्षको उमेरमै सरस्वती सदन (क्याम्पस) मा शास्त्रीय नृत्य गरेकी उनले ६ वर्षकी छँदा नेवारी नाटक ‘कचिमचा’ (काँचो माटो) बाट अभिनय यात्रा थालेकी थिइन्।
चलचित्र ‘मनको बाँध’बाट ठूलो पर्दामा अभिनय सुरु गरकी अधिकारीले ‘चिनो’, ‘कन्यादान’, ‘भाउजु’, ‘अल्लारे’ लगायतका दर्जनौं चलचित्रमा अभिनय गरेकी छन्। उनी सफल रंगकर्मी पनि हुन्।
२००३ सालमा काठमाडौंको असनमा जन्मेकी अधिकारी पछिल्लो समयसम्म चलचित्र क्षेत्रमा सक्रिय थिइन्।
उनका १ छोरा र १ छोरी छन्। उनको आजै अन्तिम संस्कार गरिने पारिवारिक स्रोतले जनाएको छ।
प्रतिक्रिया