ad ad

समाज


चट्याङबाट मृत्यु भएका परिवारलाई एक-एक लाख सहयोग

चट्याङबाट मृत्यु भएका परिवारलाई एक-एक लाख सहयोग

नेपालखबर
पुस १९, २०७७ आइतबार ०:२९,

प्रदेश २ सरकारले चट्याङबाट मृत्यु भएका सप्तरीका चार जनाको परिवारलाई राहतस्वरुएक/एक लाख रुपैयाँ प्रदान गरेको छ।

शनिबार राजविराजमा आयोजित कार्यक्रममा भूमि व्यवस्था, कृषि तथा सहकारीमन्त्री शैलेन्द्रप्रसाद साहले मृतककका आफन्तलाई एक/एक लाखका दरले रकम हस्तान्तरण गरेका हुन्।

चट्याङबाट ज्यान गुमाउने महादेवा गाउँपालिका-२ का २८ वर्षीय बेचन यादव र सोही ठाउँका ६० वर्षीय नकछेदी ठाकुर, डाक्नेश्वरी नगरपालिका–९ का ३० वर्षीया ललितादेवी यादव र राजगढ गाउँपालिका-४ बेल्हीका ४५ वर्षीय केसीलाल साहको परिवारलाई एक/एक लाखको चेक हस्तान्तरण गरिएको हो।

गएको असार ११ गते चट्याङ लागेर उनीहरुको मृत्यु भएको थियो । घरमा गोसाइँ गाड्ने पूजाकर्मका लागि बुवाआमा र साथीसँगै कोशी नदी गएका बेचन यादव र कपाल काटन लगिएका हजाम नकछेदी ठाकुरको चट्याङ लागेर मृत्यु भएको थियो। बेचन महादेवा गाउँपालिकाका खरिदार थिए।

यसैगरी लकडाउनका बेला विद्यालय बन्द भएपछि घर आएका उदयपुरको रानीवास खाँबुस्थित जनता माविका शिक्षक केसीलाल साहको धान रोप्ने खेतमा काम गर्न निक्लिएका बेला चट्याङ लागेर मृत्यु भएको थियो । खेतमा काम गरिरहेकी ललीतादेवी यादवको समेत सोही दिन चट्याङ लागेर मृत्यु भएको थियो।

चट्याङ लागेर राजगढ गाउँपालिका-४ की २१ वर्षीया आशाकुमारी मण्डल र बेचनसँगै कोशी नदी गएका उनका साथी दीपक यादव घाइते भएका थिए।

यसैगरी मन्त्री साहले आफू निर्वाचित सप्तरीको निर्वाचन क्षेत्र नं २ (क) अन्तर्गतको १५ विद्यालयलाई एक/एक थान थर्मल गन उपलब्ध गराएका छन्। कोरोना सङ्क्रमणको अवस्था अझै नटरिसकेकाले शिक्षक तथा विद्यार्थीको तापक्रम परीक्षण गर्न सामुदायिक विद्यालयलाई थर्मल गन प्रधान गरिएको साहले बताए। रासस

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .