भारतमा अर्काे हप्तादेखि कोरोनाविरुद्धको खोप लगाउने पूर्वाभ्यास थालिँदै

भारतमा कोरोनाविरुद्ध खोप लगाउने अभियान थाल्न अर्काे हप्ता ‘ड्राइ रन’ (पूर्वाभ्यास) गरिने भएको छ।

भारतको इतिहासमै सबैभन्दा महत्वाकांक्षी खोप लगाउने पूर्वाभ्यास आन्ध्र प्रदेश, गुजरात, पन्जाब र असममा २ दिन सञ्चालन गरिने इन्डियन एक्सप्रेसले जनाएको छ।

रिपोर्टअनुसार यही डिसेम्बर २८ र २९ तारिख उक्त ४ राज्यका २ जिल्लामा खोप लगाउने अभियानको पूर्वाभ्यास गरिनेछ।

एक वरिष्ठ सरकारी अधिकारीले इन्डियन एक्सप्रेसलाई बताएअनुसार यस पूर्वाभ्यास खोप कार्यक्रममा सहभागी हुने २ हजार ३६० जनालाई प्रशिक्षण दिइनेछ।