युनिकोड
बैतडीको मेलौलीमा ट्रयाक्टर दुर्घटना हुँदा दुई जनाको मृत्यु भएको छ। दुर्घटनामा अर्का एक जना घाइते भएका छन्।
शनिबार साँझ मेलौली नगरपालिका-९ मा सुप प्रदेश ०११२ त ४५७७ नम्बरको ट्रयाक्टर पल्टिँदा सोही ठाउँका ३२ वर्षीय नारायण भट्ट र नामथर पनि एउटै भएका ५८ वर्षीय नारायण भट्टको मृत्यु भएको जिल्ला प्रहरी कार्यालय बैतडीले जनाएको छ।
बैतडीका प्रहरी प्रमुख डिएसपी नारायणप्रसाद अधिकारीका अनुसार दुर्घटनामा गौरीगंगा नगरपालिका घर भएका ट्रयाक्टर चालक २५ वर्षीय अमृत चौधरी घाइते भएका छन् । उनको स्थानीय अस्पतालमा उपचार भइरहेको छ। उनको अवस्था खतरामुक्त रहेको प्रहरीले जनाएको छ।
ट्रयाक्टर सडकबाट १ सय मिटर तल पुगेको छ। दुर्घटनाको कारण नखुलेको प्रहरीले जनाएको छ।
प्रतिक्रिया